之前介紹完支付寶HK同PayMe教學，今次就講下WeChat Pay點用同邊張卡有積分啦，WeChat Pay同樣可以喺商戶畀錢、轉賬畀其他人同埋轉賬返去銀行，但WeChat Pay仲可以派利是畀親朋戚友，即刻睇下點用啦！
WeChat Pay 綁定 信用卡
打開WeChat之後，撳「錢包」後可以撳「銀行卡」，然後選擇「新增信用卡或者銀行戶口」，撳完「添加信用卡」之後輸入付款密碼，再輸入信用卡號碼同埋其他資料就綁定咗信用卡。
WeChat Pay 信用卡 轉賬
想以WeChat Pay轉賬畀其他人要喺對話下面選擇「轉賬」，然後輸入金額同訊息，再撳「立即付款」，就可以選擇用咩方法畀錢，例如選擇信用卡畀錢，輸入付款密碼之後成功轉賬啦。
WeChat Pay 信用卡 派利是
派利是同轉賬方式都差唔多，喺對話下面選擇「利是」，跟住輸入金額同訊息，然後撳「立即付款」，可以選擇以信用卡畀錢，再輸入付款密碼就成功派利是。
WeChat Pay 商戶 信用卡 付款
要用WeChat Pay喺商戶畀錢都好簡單，打開「錢包」之後撳「付款」，將QR Code畀商戶掃描就可以。不過要留意，用信用卡畀錢可以喺QR Code下面撳「更換」，就可以選擇以信用卡畀錢。
WeChat Pay 餘額 提款
WeChat Pay嘅錢可以提款返去銀行，喺「錢包」裡面撳「餘額」，然後選擇「提款」，就可以輸入銀行賬戶資料同埋提款金額，再輸入提款金額就可以。
WeChat Pay 轉賬 派利是 提款 上限
WeChat Pay嘅轉賬、派利是上限，設定付款密碼前後都唔一樣。而餘額提款上限分為唔同認證級別，同時暫時唔駛畀手續費。
| 轉賬上限 | |
| 未設定付款密碼 | 每次 $200 每日 $200 每月 $500 |
| 已設定付款密碼 （以信用卡畀錢） | 每次 $5,000 每日 $5,000 每月 $10,000 |
| 已設定付款密碼 （以餘額畀錢） | 每次 $5,000 每日 $10,000 每月 $50,000 |
| 派利是上限 | |
| 未設定付款密碼 | 每次 $200 每日 $500 每月$500 |
| 已設定付款密碼 | 每次 $1,500 每日 $5,000 每月 $10,000 |
| 餘額提款上限 | |
| 未設定付款密碼 | 每次 $500 每日 $500 每月 $500 |
| 已設定付款密碼 （初級認證） | 每次 $10,000 每日 $10,000 每月 $10,000 |
| 已設定付款密碼 （高級認證） | 每次 $10,000 每日 $10,000 每月 $50,000 |
WeChat Pay 信用卡 積分
暫時DBS、Citibank、建行(亞洲)、工銀亞洲、大新、中銀同信銀國際都有信用卡積分。
賺「亞洲萬里通」里數
想賺「亞洲萬里通」里數可以揀DBS Black World Mastercard，會係$6/里。
賺Avios
想賺Avios可以考慮大新英國航空白金卡，係$6/Avios。
賺現金回贈
想賺現金回贈就可以揀Citi Cash Back Visa卡，會係1%回贈。
不過溫馨提示，
1.信用卡積分係以目前去計，條款隨時都可能會改
2.如有爭議，一切以銀行最終決定為準
HongKongCard 精選產品
渣打國泰Mastercard®
【里賞FanFest禮遇】由2025年12月15日起至12月31日期間，只要經HongKongCard成功申請渣打國泰Mastercard®可享：
- 免簽賬：HK$200 超市禮券 或 Apple Gift Card 或 HKTVmall購物禮券 或 cc.points^
- 免簽賬：5,000「亞洲萬里通」里數特別禮遇
- 全新信用卡客戶*揀里賞FanFest禮遇迎新~，首兩個月累積合資格簽賬滿HK$10,000享：
- 高達5,000「亞洲萬里通」里數（基本里數按簽賬類別計算）
- 交稅優惠HK$4＝1里數（高達20,000「亞洲萬里通」里數）
- 餐飲簽賬：HK$4＝1里數
^cc.point可以自由兌換不同禮券，例如：KKBOX／HKTVmall／Apple禮品卡等等。